*

Bílar 6. ágúst 2013

Mercedes-Benz eykur söluna

Á fyrstu sex mánuðum ársins seldi Mercedes-Benz 8,1% fleiri bíla en á sama tímabili í fyrra.

Róbert Róbertsson

Mercedes-Benz byrjar seinni hluta ársins á blússandi siglingu eftir 20% framleiðsluaukningu á fyrri hluta ársins 2013. Alls seldi þýski lúxusbílaframleiðandinn 811.227 bifreiðar á fyrstu sex mánðum ársins sem er 8,1% söluaukning miðað við sama tímabil í fyrra. Júlí var einnig metmánuður hjá Mercedes-Benz en fyrirtækið seldi alls 116.790 bifreiðar í mánuðinum.

Hinir nýju E-Class og CLA hafa komið mjög sterkir inn hjá Mercedes-Benz á fyrri hluta ársins 2013 og auk þess hefur sala á A-Class og B-Class verið mjög góð sem skýrir að miklu leyti söluaukninguna hjá fyrirtækisinu. Mesta söluaukningin er í Bandaríkjunum, Kína og Rússlandi samkvæmt tilkynningu frá Mercedes-Benz. Á Íslandi er aukning sölu á Mercedes-Benz fólksbifreiðum 38,2% á fyrstu sex mánuðum ársins, en skráðar hafa verið 105 Mercedes-Benz bifreiðar hér á landi á þessu ári.

Stikkorð: Mercedes-Benz