Íþróttafélög hafa aldrei í sögunni verið verðmætari. Stærstu félögin njóta góðs af risastórum sjónvarpssamningum, umtalsverðum miðasölutekjum og mikilli sölu á varningi sér tengdum. Það eru aðallega síauknar sjónvarpstekjur sem verða til þess að félögin hafa hækkað hratt í virði undanfarin ár og eru sjónvarpstekjur mestar í Bandaríkjunum og Englandi.
Verðmætasta íþróttafélag heims kemur þó hvorki frá Bandaríkjunum né Englandi. Þriðja árið í röð er spænska knattspyrnustórveldið Real Madrid það stærsta í heiminum samkvæmt lista tímaritsins Forbes og skýtur sögufrægum bandarískum íþróttafélögum á borð við Dallas Cowboys og New York Yankees ref fyrir rass. Real Madrid er metið á 3,26 milljarða dollara samkvæmt nýjum lista Forbes.
Hvað gerir Real Madrid svona verðmætt?
Real Madrid er öðruvísi en mörg önnur íþróttafélög að því leyti að það er í eigu stuðningsmanna liðsins.
Nánar er fjallað um málið í Viðskiptablaðinu. Áskrifendur geta nálgast pdf-útgáfu af blaðinu með því að smella á hlekkinn Tölublöð.
