*

Tölvur & tækni 14. mars 2016

Minecraft opnar á gervigreind

Nú geta forritarar prufukeyrt gervigreindarforrit sín í tölvuleiknum vinsæla Minecraft.

Forriturum verður nú gert kleift að gera tilraunir með gervigreindarforrit í tölvuleiknum vinsæla Minecraft. Microsoft, eigandi tölvuleiksins, gaf út tilkynningu þess efnis að tölvunarfræðingar jafnt sem amatörar gætu prófað sig áfram með gervigreindarforrit sín gegnum leikinn.

Microsoft hélt því þá fram að tölvuleikurinn sé talsvert þróaðri en flest gervigreindarhermiforrit sem fáanleg eru nú til dags, auk þess sem það er talsvert ódýrara en að byggja sér vélmenni.

Aukabúnaðurinn gerir forritaranum kleift að tengja gervigreindina við persónu leiksins og stýra honum um þrívíddarlandslög. Þá getur forritarinn einnig fylgst með því hvernig gervigreindin bregst við áreiti og hlutum í tölvuheiminum.

Stikkorð: Microsoft  • Tölvur  • Þróun  • Tækni  • Minecraft  • Gervigreind  • Forritun