*

Bílar 20. nóvember 2012

Níu bílar keppa um að vera bíll ársins

Tilkynnt verður á föstudaginn hvaða bíll hlýtur nafnbótina bíll ársins að mati bílablaðamanna.

Nú stendur yfir val á Bíl ársins á Íslandi en það er Bandalag íslenskra bílablaðamanna, BÍBB, sem stendur fyrir valinu. Níu bílar eru komnir í úrslit í valinu og verður tilkynnt um bíl ársins föstudaginn 23. nóvember. Sá bíll sem verður valinn hlýtur Stálstýrið.

38 nýir fólksbílar og jeppar voru tilnefndir og eftir prófanir eru nú tólf bílar eftir í úrslitum. Keppt er í þremur flokkum, fólksbílum, jeppum og jepplingum og vistvænum bílum. Bílarnir tólf sem komust í úrslit eru Audi A6, Mercedes-Benz A, Volvo V40, Audi Q3, Hyundai Santa Fe, Range Rover Evoque, Lexus GS 450h, Opel Ampera og Peugeot 508 RXH.

Þeir sem standa að valinu eru blaðamenn sem í gegnum tíðina hafa fjallað um bíla í íslenskum fjölmiðlum. Félagið stóð fyrst fyrir vali á Bíl ársins 2004 en árin eftir hrun lá valið niðri. Í fyrra var það VW Passat Metan sem var kjörinn Bíll ársins.

Hér að neðan má sjá bílana sem eru tilnefndir.

 

Audi A6

 

Volvo V40

 

Mercedes-Benz A-Class

 

Audi Q3

 

Hyundai Santa Fe

 

Range Rover Evoque

 

Peugeot RHX

 

Opel Ampera

 

Lexus GS 450

Stikkorð: Bíll ársins