*

Bílar 31. júlí 2014

Ný kynslóð Kia Sorento á leiðinni

Nýr Kia Sorento verður með fágaðri og nútímalegri línur en forverinn, kraftalegri framenda með stærra grilli og lægri þaklínu.

Róbert Róbertsson

Ný kynslóð Kia Sorento  verður kynnt til leiks í Suður-Kóreu í lok ágúst en heimsfrumsýning jeppans verður á alþjóðlegu bílasýningunni í París í byrjun október. Þetta er þriðja kynslóð þessa stóra og stæðilega fjórhjóladrifna jeppa sem náð hefur mikilli hylli um víða veröld og ekki síst hér á Íslandi enda kjörinn fyrir íslenskar aðstæður.

Nýr Kia Sorento verður mjög breyttur í hönnun samkvæmt fyrstu myndum sem birtar hafa verið. Jeppinn verður með fágaðri og nútímalegri línur en forverinn, kraftalegri framenda með stærra grilli og lægri þaklínu sem gefur sportlegt yfirbragð. Nýja kynslóðin mun verða vel búin og með öflugum en jafnframt sparneytnum vélum en frekari upplýsingar liggja ekki fyrir á þessari stundu.  Nýr Kia Sorento er hannaður í hönnunarstöðvum Kia Motors í Suður-Kóreu, Þýskalandi og Bandaríkjunum.

Stikkorð: Kia Sorento