*

Bílar 14. febrúar 2015

Nýir bílar mun öruggari

Árið 2014 létust 4 í umferðarslysum og hafa þau ekki verið færri síðan 1939. Dauðsföllum hefur fækkað mikið frá aldamótum, en árið 2000 létust 32.

Fjölda látinna í umferðarslysum hefur fækkað mikið frá árinu 2000. Þá létust 32 í umferðarslysum en 4 árið 2014. Þetta er meðal annars það sem kemur fram í úttekt Óla H. Þórðarsonar, fyrrverandi framkvæmdastjóra Umferðarráðs, um banaslys í umferðinni frá 1915- 2014.

Í úttekt Óla koma fram ýmsar upplýsingar um hvenær sólarhringsins slys hafa orðið, hvernig færðin var, birtustig og hvernig slysin hafa borið að. Í úttektinni er ekki sérstaklega fjallað um ástæður þess að dregið hefur svo mjög úr dauðsföllum á síðustu 15 árum. Dauðsföll hafa ekki verið færri frá árinu 1939.

Sama þróun í Bandaríkjunum

Á síðustu 10 árum hefur dauðsföllum af völdum umferðarslysa fækkað um fjórðung í Bandaríkjunum. Samkvæmt rannsókn Wall Street Journal, sem var birt um áramótin, hefur fækkun dauðaslysa verið mikil í slysum þar sem nýrri bílar koma við sögu.

Nánar er fjallað um málið í sérblaðinu Bílar sem fylgdi Viðskiptablaðinu í gær. Áskrifendur geta nálgast pdf-útgáfu af blaðinu með því að smella á hlekkinn Tölublöð.