*

Bílar 2. október 2020

Nýr Korando frumsýndur

Suður kóreski bílaframleiðandinn Ssang Yong kynnir nýjasta sportjeppann sinn. Frumsýning hjá Bílabúð Benna á morgun.

Róbert Róbertsson

Bílasmiðurinn SsangYong frá Suður-Kóreu hefur verið nokkuð afkastamikill á bílamarkaðnum og kynnti nýlega til sögunnar fjórðu kynslóðina af Korando sportjeppanum. Það fyrsta sem vekur athygli við þennan nýja Korando er að hann hefur verið endurhannaður frá grunni.

Korando skartar nú flottu útliti jafnt að utan sem innan. Þá státar hann af ótal tækninýjungum sem gera hann að enn ákjósanlegri valkosti fyrir íslenskar aðstæður, t.d. tæknivæddu margmiðlunarkerfi, endurhannaðri fjöðrun, fullkomnari hljóðeinangrun og öflugri öryggisbúnaði.

Nýr Korando verður frumsýndur laugardaginn 3. október að Krókhálsi 9, frá kl. 12:00 til 16:00. Í tilkynningu frá Bílabúð Benna kemur fram að, í ljósi aðstæðna í þjóðfélaginu, verði einnig blásið til sérstakrar frumsýningarviku, dagana 3. – 10. október, þar sem áhugasömum er boðið að skoða og reynsluaka nýjum Korando.

Að sögn Benedikts Eyjólfssonar hjá Bílabúð Benna er hér um mjög spennandi frumsýningu að ræða.

„SsangYong er í mikilli sókn og með tilkomu nýs Korando er ljóst að verið er að leggja línurnar fyrir næstu kynslóðir jeppanna frá SsangYong. Við höfum því miklar væntingar til þess sem koma skal, enda nýr Korando einstaklega fallegur í alla staði og á örugglega eftir að koma á óvart,“ segir Benedikt.

Stikkorð: Suður Kórea  • Ssang Young  • korando