*

Bílar 18. desember 2020

Nýr pallbíll mættur

Isuzu D-Max pallbíllinn er kominn á markað hér á landi í þremur útfærslum. Vinsæll bæði sem atvinnu- og einkabíll.

Róbert Róbertsson

Ný kynslóð af pallbílnum Isuzu D-MAX er kominn á markað hér á landi. Isuzu D-MAX hefur verið vinsæll bæði sem atvinnubíll og einkabíll enda öflugur pallbíll.

Í boði eru þrjár útfærslur, Basic, Pro og Lux. Allar gerðir, sem búnar eru tveggja lítra, 160 hestafla dísilvél, eru vel búnar öryggis- og þægindabúnaði og hefur bíllinn m.a. þegar hlotið fullt hús stiga hjá evrópsku öryggisstofnuninni Euro NCAP. Burðargeta bílsins er 1.065 kg og dráttargetan 3,5 tonn. Vaðdýpt D-MAX er 80 cm og 24 cm eru undir lægsta punkt.

Meðal staðalbúnaðar í Basic, beinskiptri grunngerð Isuzu D-MAX, má nefna aðdráttar- og veltistýri, blindhornaviðvörun, stöðugleikastýringu, akreinavara, aðvörun vegna hliðarumferðar, sjálfvirka neyðarhemlun og hemlajöfnun, neyðarakreinastýringu auk brekkuaðstoðar og stöðugleikabúnaðar fyrir drátt á aftanívagni.

Stikkorð: pallbíll  • D-Max  • Isuzu