*

Bílar 14. apríl 2014

Nýr smájeppi frá Lexus

Lítið hefur verið látið uppi um tæknilega hlið Lexus NX en þó er vitað að hann verður vel búinn nýjustu tækni.

Lexus mun frumsýna nýjan og nettan sportjeppa á bílasýningunni í Peking eftir 10 daga. Japanski bílaframleiðandinn, sem er lúxusarmur Toyota, hefur gefið smájeppanum nafnið NX og er honum ætlað að veita þýsku lúxusbílaframleiðendunum samkeppni og minni sportjeppum þeirra þ.e. Audi Q3, BMW X1 og Mercedes-Benz GLA.

Lítið hefur verið látið uppi um tæknilega hlið Lexus NX en þó hefur verið gefið upp að hann verði vel búinn og með búnað af nýjustu og fullkomnustu gerð.

Hægt verður að velja milli þriggja mismunandi véla. Tvinnaflrás með bensínvél og rafmótor, 2ja lítra forþjappaða bensínvél og svo venjulega bensínvél. Um er að ræða sömu aflrásir og í IS 300 bílnum nema 2ja lítra bensínvélin, hún er nýjung frá Lexus.

Stikkorð: Lexus