*

Bílar 24. september 2015

Nýr sportjeppi frumsýndur

Nýr Mercedes-Benz GLC verður frumsýndur í Bílaumboðinu Öskju á laugardag.

Nýr Mercedes-Benz GLC verður frumsýndur í Bílaumboðinu Öskju á lagardag kl. 12-16. GLC hefur verið beðið með mikilli eftirvæntingu og ljóst að margir bíða spenntir eftir að sjá bílinn afhjúpaðan í sýningarsal Mercedes-Benz á Krókhálsinum. GLC var frumsýndur á bílasýningunni í Frankfurt sem nú stendur yfir.

GLC kemur í stað GLK sportjeppans sem hverfur nú af sjónarsviðinu. Hinn nýi GLC er fallega hannaður og með mun straumlínulagaðri og sportlegri línur en GLK. Framendinn er svipsterkur með áberandi framljósum og afturhlutinn hallar aftur og ber keim af coupe lagi. Innanrýmið er fallegt og vandað og þar fara saman aukið rými, meiri þægindi og nýjasta tækni

GLC fæst bæði með aflmiklum og sparneytnum dísil- og bensínvélum og eldsneytiseyðslan lækkar að meðaltali um 19% miðað við fyrri gerð. Öflug Plug-in Hybrid útfærsla er væntanleg á næsta ári.

Hin byltingarkennda níu gíra 9G-TRONIC sjálfskipting verður staðalbúnaður í öllum útfærslum GLC. DYNAMIC SELECT gerir ökumanni kleift að velja milli fimm aksturskerfa sem laga eiginleika bílsins að aðstæðum hverju sinni. GLC verður að sjálfsögðu í boði með 4MATIC fjórhjóladrifinu. Þá verður hægt að fá fjölmarga aukahlutapakka í bílinn eins og venjan er hjá Mercedes-Benz.