*

Bílar 3. október 2013

Nýr Suzuki jepplingur frumsýndur

Ný kynslóð hins vinsæla jepplings Suzuki SX4 hefur litið dagsins ljós.

Suzuki SX4 S-Cross er nýr jepplingur sem kemur nú fram á sjónarsviðið.  Um er að ræða nýja kynslóð bíls sem byggður er á grunni hins vinsæla jepplings Suzuki SX4 en hefur stækkað umtalsvert. Hann býður því upp á meira innanrými en áður og er auk þess all ríkulega búinn. 

SX4 S-Cross fæst með sparneytnum bensín- og dísilvélum og boðið er upp á beinskiptar og sjálfskiptar útfærslur. Bíllinn kemur með nýrri gerð fjórhjóladrifs sem kallast All Grip. Þetta er tölvustýrður búnaður með fjórum mismunandi drifstillingum fyrir venjulegar aðstæður, snjó, sport og síðan driflæsingu sem losar bílinn úr festum. 

SX4 S-Cross kemur í nokkrum gerðum og meðal fáanlegs búnaðar er bakkmyndavél, stór, opnanleg víðsýnislúga og 17 tommu álfelgur. Staðalbúnaður í öllum gerðum fjórhjóladrifnum gerðum er leiðsögukerfi frá Garmin.

Jepplingurinn nýi verður frumsýndur um helgina hjá Suzuki bílum að Skeifunni 17 í Reykjavík. Sýningin verður opin frá kl. 12-17 á laugardag og sunnudag. 

Stikkorð: Suzuki