*

Bílar 2. febrúar 2021

Nýr Tucson á leiðinni

Um er að ræða fjórðu kynslóð þessa vinsæla sportjepplings, sem er mest seldi bíll framleiðandans á Evrópumarkaði.

Á dögunum kynnti Hyundai á Íslandi nýjan og gjörbreyttan Tucson. Þetta er fjórða kynslóð þessa vinsæla sportjepplings, sem er mest seldi bíll framleiðandans á Evrópumarkaði.

Nýi bíllinn er mikið breyttur í ytra og innra útliti auk þess sem öryggis- og þægindabúnaður hefur verið uppfærður. Í vor kynnir Hyundai Motor svo formlega sportlega N Line útgáfu Tucson á 19 tommu felgum og birti framleiðandinn fyrstu tvær myndirnar af bílnum í síðustu viku.

Bæði Tucson og N Line útgáfan sameina nýja framúrstefnulega hönnun og þægindi, en N Line útgáfan gengur skrefinu lengra með háþróaðri tengingu við mótorsportið eins og aðrar N Line gerðir Hyundai, bæði í hönnun ytra útlits og sérhönnun í farþegarýminu eins og Hyundai mun kynna nánar er nær dregur formlegri frumsýningu. Báðar gerðir Tucson státa t.d. af alveg breyttu og meira áberandi grilli þar sem Hyundai hefur jafnframt haft endaskipti á staðsetningu dagljósa og aðalljóa bílanna því nú blasa við alls tíu díóðuljós, fimm hvoru megin sem flæða ofarlega á ofanverðu grillinu þar sem aðalljósin voru áður.

Aðalljósin eru komin neðarlega í utanverða sambyggða svuntuna, þar sem við eigum því að venjast að dagljósin séu staðsett. Einnig hafa orðið áberandi breytingar að aftan, bæði hönnun afturljósa, skotthlera og stuðara, en umfram Tucson sem BL hefur kynnt fær N Line sportlegri og útstæðari stuðari við neðanverðar hlerann. Ýmis smáatriði í ytra útliti munu svo prýða N Line umfram staðalútgáfur Tucson, svo sem svartir rammar við aðalljós, stærri vindskeið, sportlegra púst og fleira. Aðrar áherslur Hyundai í sérhönnun N Line sem vekja frekari hughrif með mótorsportinu verða svo kynnt er nær dregur vorinu þegar bíllinn verður frumsýndur á helstu mörkuðum Evrópu.

Stikkorð: Hyundai  • Tucson