*

Bílar 6. mars 2020

Nýr Yaris frumsýndur

Nýr Toyoto Yaris verður frumsýndur hér á landi á laugardag.

Það telst alltaf til tíðinda þegar Toyota kynnir nýja kynslóð af hinum vinsæla Yaris.

Næsta kynslóð er væntanleg á göturnar í haust en vegna mikils áhuga á bílnum hefur Toyota á Íslandi fengið sýningareintak til landsins. Þessi fyrsti Yaris af nýju kynslóðinni kom til landsins í dag og verður til sýnis hjá Toyota Kauptúni frá og með morgundeginum 7. mars.

Þessi kynslóð af Yaris er ný frá grunni byggð eftir TNGA hönnunarstefnu Toyota með nýrri 1.5l bensínvél sem einnig er fáanleg í Hybridútfærslu. Hybrid útfærslan er með nýja Lithium-ion Hybrid rafhlöðu sem eykur enn afköstin og mögulegt verður að keyra á rafmagninu einu saman í mun lengri tíma og á meiri hraða en áður.

Yaris er búinn nýjustu tækni meðal annars Toyota Connect og fullkomnum árekstrarvörnum hann er  nettur og meðfærilegur og hentar vel við fjölbreyttar aðstæður.

Opið er hjá Toyota Kauptúni á morgun laugardag frá kl. 12-16 og þá er hægt að berja nýja kynslóð Yaris augum.