*

Bílar 21. mars 2017

Öflugur Lexus kynntur

Bíllinn er með 3.5l V6 vél og Hybridkerfi sem samanlagt skila 359 hestöflum og þannig búinn er hann 4,7 sekúndur að ná 100 km hraða.

Nýr og öflugur sportbíll Lexus LC 500h verður forsýndur á sérstakri forsýningu hjá Lexus Ísland í Kauptúni í Garðabæ nk. laugardag kl. 12-16. LC 500h verður aðeins forsýndur þennan eina dag og því er þetta einstakt tækifæri til að sjá þetta nýja flaggskip sportbíladeildar Lexus.

Bíllinn er með 3.5l V6 vél og Hybridkerfi sem samanlagt skila 359 hestöflum og þannig búinn er hann 4,7 sekúndur að ná 100 km hraða. Í búnaði Hybridútfærslunnar hefur nýr tvöfaldur 10 hraða gírkassi vakið mikla athygli en þetta er fyrsti bíllinn frá Lexus sem búinn er þessum gírkassa. LC 500h er einnig fáanlegur með 477 hestafla V8 vél sem kemur honum í 100 km hraða á 4,4 sekúndum.

Hönnun bílsins er glæsileg og ber verkfræðingum, hönnuðum og handverksmönnum Lexus gott vitni. Leitast er við að sameina einstaka akstursupplifun sportbíls og þau þægindi sem lúxusbílar Lexus eru þekktastir fyrir. LC 500 er fluttur til landsins sérstaklega fyrir þessa sýningu sem jafnframt er opnunarsýning í nýjum sýningarsal Lexus. Salurinn hefur verið innréttaður frá grunni samkvæmt nýjum stöðlum Lexus. Þar er ekkert til sparað svo upplifun viðskiptavina verði eftirminnileg.

Stikkorð: 500  • Lexus  • LC  • frumsýndur