*

Bílar 9. nóvember 2020

Opel Corsa-e sópar að sér verðlaunum

Rafbíll þýska bílaframleiðandans, sem hefur verið einn mest seldi smábíllinn á Evrópumarkaði í ár, hlaut Gullna stýrið.

Opel Opel Corsa-e hlaut á dögunum Gullna stýrið í flokki smábíla. Þetta er mikil viðurkenning fyrir þýska bílaframleiðandann Opel sem hefur verið að stefna hátt í rafbílaþróuninni.

Þýsku miðlarnir Auto Bild og Bild am Sonntag standa að verðlaununum og er dómnefndin skipuð lesendum, sérfræðingum og atvinnumönnum í akstursíþróttum. Opel Corsa–e er hreinn rafbíll og hefur verið einn mest seldi smábíllinn á Evrópumarkaði það sem af er þessu ári.

„Þessi virtu verðlaun eru góð viðbót í safnið en bíllinn fékk einnig viðurkenninguna „Best Buy Car of Europe 2020“. Að því vali stóð AUTOBEST, sem er stærsta óháða bíladómnefnd Evrópu og fulltrúi 95% íbúa í 31 Evrópulandi.

Þá var bíllinn valinn Car of the Year 2020 af breska dagblaðinu SUN. Loks hlaut Corsa-e viðurkenninguna „Connected Car Award 2019”, þ.e. snjallasti bíll ársins,“ segir Benedikt Eyjólfsson, framkvæmdastjóri Bílabúð Benna.

„Þessi langi verðlaunalisti er staðfesting á því að Opel Corsa-e hefur slegið í gegn hjá kröfuhörðustu bíleigendum heims og við eigum því von á að Íslendingar taki honum ekki síður fagnandi.”

Stikkorð: Opel  • Auto Bild  • rafbíll  • Bild am Sonntag  • Corsa-e