*

Bílar 5. júní 2020

Porsche Taycan frumsýndur

Bílabúð Benna fagnar 45 ára afmæli sínu í ár en fyrsti viðburður afmælissumarsins fer fram á morgun laugardag klukkan 12-16.

Þar verður margt spennandi í gangi á bílasýningu Bílabúð Benna á morgun og ber fyrst að nefna frumsýningu á ofur rafmagnsbílnum Porsche Taycan. Hér er á ferðinni magnaður rafbíll sem lengi hefur verið beðið eftir og að sögn markar straumhvörf í rafbílaheiminum. Hann hefur heillað alla bílagagnrýnendur og hlaut m.a. titilinn Bíll ársins 2020 í Þýskalandi.

Þá verður á staðnum m.a. 100% rafbíllinn Opel Ampera og sportjeppi fjölskyldunnar Opel Grandland X, sem bráðum verður í boði í 300 hestafla hybrid útfærslu. Þá heilsa sumri á sýningunni, fjórhjóladrifna þrenningin frá SsangYong; Rexton, Korando og Tívolí, en sem kunnugt er var Rexton valinn Jeppi ársins.