*

Bílar 22. janúar 2021

Rafmagnaður Lexus frumsýndur

Lexus UX 300e er nýjasta viðbótin við Lexus línuna. Bíllinn fæst í þremur útfærslum, Comfort, Premium og Luxury.

Fyrsti rafmagnsbíllinn frá Lexus, UX 300e verður frumsýndur hér á landi á morgun laugardag.

Lexus UX 300e er með 54 kwh rafhlöðu og dregur rúmlega 300 km á hleðslunni.  Rafmótorinn skilar 150kW/204 hestöflum og togið er 300 Nm. Hröðun 0-100 km/klst. er 7,5 sekúndur. Bíllinn fæst í þremur útfærslum, Comfort, Premium og Luxury. 7 ára ábyrgð er á öllum nýjum Lexusbílum og þeim fylgir  3 ára þjónusta.

Lexus UX 300e er nýjasta viðbótin við Lexus línuna. Hann er með hið sígilda og afgerandi Lexus-grill og vandað innanrými sem hæfir kröfum þeirra sem vilja aka um á lúxusbíl. Aukið hefur verið við skottpláss í þessari útfærslu á bílum. 

UX 300e er útbúinn Lexus Safety System+ sem inniheldur árekstrarviðvörunarkerfi, e-call sem kemur bílnum í beint samband við Neyðarlínu eftir árekstur, akreinarakningu, sjálfvirkt háljósakerfi til að hjálpa ökumönnum að koma betur auga á gangandi vegfarendur og bíla í myrkri,  umferðarskiltaaðstoð sem greinir umferðarskilti og ratsjárhraðastilli.

Bíllinn verður frumsýndur hjá Lexus í Kauptúni, Garðabæ á morgun laugardag klukkan 12-16.