*

Bílar 11. júní 2021

Rafmögnuð Kona

Nýr Kona Electric verður kynntur hér á landi um næstu helgi og verður fáanlegur í þremur útfærsælum, Comfort, Style og Premium.

Róbert Róbertsson

Nýr og breyttur Kona Electric verður kynntur hér á landi um næstu helgi. Bíllinn var á sínum tíma fyrsti rafmagnaði sportjepplingurinn á mörkuðum Evrópu.

Ný ytri hönnun Kona EV býr sem fyrr yfir straumlínulöguðu útliti en nýjar línur og breytt ásýnd á nýjum Kona leyna sér ekki í útlitinu. Þá hefur farþegarýmið einnig verið uppfært með meiri búnaði og breyttri framsetningu, svo sem í mæla- og upplýsingaskjám. Síðast en ekki síst má nefna að nýr Kona Style og Premium sem eru með 64 kWh rafhlöðu eru 35 km langdrægari en fráfarandi kynslóð, þar sem drægnin fer úr 449 km við ákjósanlegustu aðstæður í 484 km.

Hyundai Kona EV er sem fyrr fáanlegur í þremur útfærsælum, Comfort, Style og Premium, þar sem nýr Comfort er áfram búinn 39 kWh rafhlöðu sem hefur 289 km drægni og kostar sem fyrr kr. 5.290.000. Verð á nýjum Style er einnig óbreytt frá fyrri gerð, kr. 5.990.000 þótt bíllinn sé nú búinn meiri búnaði en fráfarandi gerð, í raun þeim sama og fráfarandi Kona Premium auk þess sem nýr Style er nú með tvílitu þaki. Nýja Kona Premium mun síðan kosta 6.090.000. Hyundai á Íslandi kynnir bílinn nk. laugardag, 12. júní milli kl. 12 og 16.