Reiðhjól sem kostar milljónir króna

Í tilefni af fimmtíu ára afmæli bílaframleiðandans Lamborghini var ákveðið að búa til móður allra reiðhjóla. Hjólið gæti þó reynst dýrt fyrir venjulegan og heiðarlegan hjólreiðamann en það kostar rúmlega fjórar milljónir íslenskra króna.

Lamborghini og svissneski reiðhjólaframeiðandinn BMC framleiddu hjólið í samstarfi og er útkoman blanda af fallegri ítalskri hönnun með nýjustu tækni í kolefnistrefjum.

Aðeins fimmtíu hjól verða framleidd og verður að sérpanta hvert hjól annað hvort í gegnum BMC eða í næsta Lamborghini útibúi. Síðan er bara að fjárfesta í góðum hjólalás.