*

Bílar 8. október 2021

Renault Arkana kynntur til leiks

Renault Arkana, glænýr tengiltvinnbíll frá franska bílaframleiðandanum, verður frumsýndur hér á landi um helgina.

Renault Arkana er glænýr tengiltvinnbíll frá franska bílaframleiðandanum sem verður frumsýndur hjá BL nk. laugardag.

Hönnun Arkana er í senn sportleg og kraftmikil þar sem koma saman aflíðandi línur og afturhallandi baksvipurinn. Arkana ber sterkan svip sportjeppa, bæði vegna hressandi útlitsins en einnig vegna þess hve veghæð undirvagnsins er mikil. Renault undirstrikar svo sportlegt yfirbragðið með mögulegum aukahlutum á borð við stigbretti, vindskeið að aftan og aðkomuljós á undirvagni svo nokkuð sé nefnt.

Arkana er búinn tækninni E-TECH hybrid bensínvélar og rafmótors til að hámarka nýtingu eldsneytis og takmarka mengun. Rafmótorinn, sem styðst við 1,2 kWh (230 V) rafhlöðu, gerir kleift að aka stutta vegalengd, allt að 5 km, eingöngu á rafmagni áður en aðalvélin kemur inn. Með endurheimt hemlaorku hleðst svo orka hratt og sjálfkrafa inn árafhlöðu bílsins.

Arkana er vel búinn staðalbúnaði og má þar nefna að bíllinn er með sjálfvirkum aðfellanlega og upphitaðahliðarspegla, sjálfvirka stillingu aðalljósa, regnskynjara á rúðuþurrkum og mismunandi akstursstillingum við 7 gíra sjálfskiptinguna. Af sömu ástæðu er Arkana líka búinn bakkaðstoð og fjarlægðarskynjurum og tækni sem getur lagt bílnum án aðstoðar í bílastæði. Þá er Arkana einnig búinn easy link-margmiðlunarkerfinu sem tengist snjallsímanumsem stjórnað er á stórum margmiðlunarskjá svo fátt eitt sé nefnt. Arkana verður frumsýndur hjá BL við Sævarhöfða nk. laugardag 9. október milli kl. 12 og 16. 

Stikkorð: Renault  • Arkana