*

Bílar 5. febrúar 2015

Renault Kadjar á markað í sumar

Franski bílaframleiðandinn hefur kynnt til leiks fyrsta fjórhjóladrifna meðalstóra jepplinginn, Renault Kadjar.

Í kjölfar góðs gengis Renault Captur á alþjóðamörkuðum hefur franski bílaframleiðandinn kynnt til leiks fyrsta fjórhjóladrifna meðalstóra jepplinginn, Renault Kadjar. Bíllinn fer á Evrópumarkað í sumar og verður frumsýndur hér á landi á sama tíma hjá BL.

Kadjar verður framleiddur í bílaverksmiðju Renault í Palencia á Spáni og fara fyrstu bílarnir á Evrópumarkað snemma í sumar. Á Kínamarkaði verður Kadjar jafnframt fyrsti meðalstóri jepplingurinn sem Renault framleiðir í nýrri verksmiðju Dongfeng Renault í Wuhanhéraði.

Renault SAS er þriðji helsti bílaframleiðandi Evrópu. Fyrirtækið seldi 2.712.432 bíla árið 2014, eða um 3,2 prósentum fleiri bíla en árið á undan. Á síðasta ári voru meðalstórir jepplingar í sama flokki og Kadjar (C-segment) nálega fimmti hver bíll sem seldur var í heiminum. Þannig var markaðshlutdeild slíkra bíla um 23% í Evrópu og 26% í Kína. Kadjar er fyrsti meðalstóri jepplingurinn frá Renault og hann er jafnframt svar framleiðandans við vaxandi eftirspurn viðskiptavina Renault um allan heim eftir fjórhjóladrifnum bíl í þessum stærðarflokki.

 

Stikkorð: Renault