Stórleikarinn Rowan Atkinson hefur ákveðið að setja McLaren F1 bifreið sína á sölu, en hann hefur átt bílinn í meira en sautján ár.
Hann segir í samtali við Telegraph að hann hafi aldrei litið á bílinn sem sérstaka fjárfestingu - hann hafi ákveðið að kaupa bílinn því honum þótti hönnunin falleg. Nú sé hins vegar kominn tími til að láta bílinn í hendur nýs eiganda.
Aðeins 64 stykki voru framleidd af bílnum á sínum tíma og er hann verðmetinn á 8 til 10 milljónir breskra punda, en fjárhæðin samsvarar næstum tveimur milljörðum króna. Hægt er að sjá myndir af bílnum með því að smella á hlekkinn að ofan.
