*

Bílar 8. janúar 2015

Sjálfakandi bíll með miklum lúxus

Mercedes-Benz hefur frumsýnt nýjan bíl sem gefur manni sýn inn í framtíðina.

Róbert Róbertsson

Mercedes-Benz frumsýndi á CES tæknisýningunni í Las Vegas í vikunni nýjan hugmyndabíl sem er sannarlega magnaður og gefur manni sýn inn í framtíðina. Þessi lúxusbíll sem hefur fengið nafnið F 015 Luxury in Motion gefur ákveðin fyrirheit um það sem koma skal. Bíllinn mun aka sjálfur og raunar ekki þörf fyrir ökumann undir stýri.

„Sjálfakandi bílar eiga eftir að gjörbreyta samfélagi nútímans. Bílar munu verða meira en bara farartæki, eiginlega færanlegt lífsrými eða stofa á hjólum,“ sagði Dieter Zetsche, forstjóri Mercedes-Benz, við frumsýningu bílsins.

Innanrými bílsins er magnað og nýstárlegt í meira lagi. Fjórir hreyfanlegir hægindastólar og sex skjáir eru áberandi og minnir bíllinn meira á lúxus setustofu en innanrými í bíl.

Ökumaður getur valið hvort hann vill keyra bílinn sjálfur eða hvort hann vill slappa a fog lætur þá bílinn aka sjálfan. Þegar hann ekur sjálfur snúast hægindastólarnir sjálfkrafa svo ökumaður og farþegar snúi í akstursstefnu. Stýrið sprettur þá upp úr innréttingunni og lítur þetta þá allt aðeins eðlilegra út.

Gert er ráð fyrir að bíllinn gangi fyrir vetnismótor. Bíllinn er smíðaður úr koltrefjagleri, áli og sérstyrktu stáli. Verður hann um 40% léttari en núver­andi bílar að svipaðri stærð.

Myndband:


25 ára afmælistilboð VB – 50% afsláttur af áskrift

Afmælistilboð VB

Viðskiptablaðið er 25 ára og af því tilefni býðst nýjum áskrifendum að kaupa áskrift á 50% afslætti.
Afmælisverðið er aðeins 2.500 krónur.

Tilboðið er fyrir nýja áskrifendur. Núverandi áskrifendur geta bætt við sig áskrift á þessu verði. Gildir í 4 mánuði. Áskrifendur fá Viðskiptablaðið, Frjálsa verslun og Fiskifréttir sent ásamt vefaðgangi að vb.is og fiskifrettir.is