Slysið ljóslifandi í minningu aðstandenda

„Bókin um Hrímfaxa er skrifuð að undir­lagi Lárusar Karls Ingasonar, ljós­myndara og útgefanda bókarinnar, sem leitaði til mín með milligöngu Sigurðar Svav­arssonar, ritstjóra bókarinnar. Faðir Lárusar Karls var í hópi þeirra sem létust í slysinu 1963. Hann hafði lengi gengið með þá hugmynd í maganum að gefa út bók um þennan atburð og ákvað að láta verða að því nú þegar 50 ár voru liðin frá slysinu,“ segir Bergsteinn Sigurðsson.

Bergsteinn starfaði sem blaðamaður á Frétta­blaðinu í níu ár áður en hann tók að sér umsjón Morgunútvarps Rásar tvö í haust. Með­ fram blaðamennsku hefur hann þýtt nokkrar bækur og skrifaði ásamt Birni Þór Sigbjörns­syni bókina Ísland í aldanna rás 2001-­2010, sem kom út á vegum Forlagsins í fyrra.

Slysið sem gleymdist

Bergsteinn þekkti ekki mikið til málsins þeg­ar Sigurður leitaði til hans snemma á þessu ári.

„Ómar Ragnarsson, einn viðmælenda bókarinnar, segir Hrímfaxaslysið vera „slys­ið sem gleymdist“. Ég held að það sé hárrétt metið hjá honum; þeir sem voru komnir til vits og ára þegar slysið varð muna vissulega eft­ir því en ég held að við sem yngri séum höf­um ekki nema óljósa hugmynd um það. Það var enda eitt af markmiðum Lárusar Karls að halda þessum harmleik til haga og láta hann ekki falla í gleymskunnar dá.“

Nánar er talað við Bergstein og fjallað um bókina Hrímfaxa í nýjasta tölublaði Viðskiptablaðsins. Áskrifendur geta nálgast blaðið undir liðnum tölublöð hér.

Hér má sjá forsíðu bókarinnar.