*

Bílar 5. janúar 2016

Rafmögnuð spenna í bílageiranum fyrir CES

General Motors og Ford munu kynna nýjungar á rafbílamarkaði á tæknisýningunni í Las Vegas.

Tæknisýningin Consumer Electronics Show (CES) er orðin að sameiginlegum kynningargrundvelli fyrir alla stærstu raftækja- og tækniframleiðendur heims. Í ár munu bifreiðaframleiðendur kynna rafbifreiðar sínar á sýningunni í von um að hrista upp í rafmagnsbílamarkaðnum.

Meðal þeirra sem munu kynna eru Ford og General Motors, auk hulduframleiðandans dularfulla Faraday Future.

Ford hefur þá verið orðað við Google og sjálfkeyrandi snjallbifreiðar tækniframleiðandans, og ekki er ólíklegt að tilkynnt verði um formlegt samstarf risanna tveggja.

General Motors mun þá að öllum líkindum afhjúpa rafbifreiðina ‘Bolt’ sem á að hafa rafhlöðuendingu upp á 320 kílómetra. Hugsanlegt er að Bolt verði til sölu á verði í kringum 4 milljónir króna eða svo, sem væri mikil framför fyrir markaðinn - bílar með slíka rafhlöðuendingu miðað við verð hafa ekki sést áður.

Stikkorð: Google  • Bílar  • GM  • Ford  • Vísindi  • Rafbílar  • Tækni  • CES  • Snjallbílar
25 ára afmælistilboð VB – 50% afsláttur af áskrift

Afmælistilboð VB

Viðskiptablaðið er 25 ára og af því tilefni býðst nýjum áskrifendum að kaupa áskrift á 50% afslætti.
Afmælisverðið er aðeins 2.500 krónur.

Tilboðið er fyrir nýja áskrifendur. Núverandi áskrifendur geta bætt við sig áskrift á þessu verði. Gildir í 4 mánuði. Áskrifendur fá Viðskiptablaðið, Frjálsa verslun og Fiskifréttir sent ásamt vefaðgangi að vb.is og fiskifrettir.is