*

Menning & listir 7. mars 2013

Stærsta listaverk í heimi í Flugstöðinni í Keflavík

Öllum farþegum í Flugstöð Leifs Eiríkssonar er boðið að taka þátt í að skapa stærsta listaverk heims.

Listagjörningurinn Stærsta listaverk í heimi verður sett upp á brottfarasvæðinu í flugstöðinni á Keflavíkurflugvelli í dag, fimmtudaginn 7. mars, að því er segir á vef Víkurfrétta. Verkið er unnið af Ingvari Birni Þorsteinssyni í samvinnu við UNICEF, en hann hyggst tengja saman fólk alls staðar að úr heiminum í gegnum samfélagsmiðilinn Facebook.

Listagjörningurinn hófst 7. febrúar í Listasafni Reykjavíkur þegar forseti Íslands, Ólafur Ragnar Grímsson, opnaði verkið og dró fyrstu pensilstrokuna.

Öllum farþegum í Flugstöð Leifs Eiríkssonar er boðið að taka þátt í að skapa stærsta listaverk heims með því að fara inn á Facebook-síðu sína í gegnum tölvu hjá verkinu, sem standa mun á milli Nord og Landsbankans í brottafarsal, og tengjast listagjörningnum. Að 66 dögum liðnum verður verkið málað og selt hæstbjóðanda. Allur ágóði rennur til Barnahjálpar Sameinuðu þjóðanna.

25 ára afmælistilboð VB – 50% afsláttur af áskrift

Afmælistilboð VB

Viðskiptablaðið er 25 ára og af því tilefni býðst nýjum áskrifendum að kaupa áskrift á 50% afslætti.
Afmælisverðið er aðeins 2.500 krónur.

Tilboðið er fyrir nýja áskrifendur. Núverandi áskrifendur geta bætt við sig áskrift á þessu verði. Gildir í 4 mánuði. Áskrifendur fá Viðskiptablaðið, Frjálsa verslun og Fiskifréttir sent ásamt vefaðgangi að vb.is og fiskifrettir.is