*

Bílar 3. nóvember 2015

Stefndi niður þverhnípi í Gilsfirði

Ólafur Þ. Erlingsson hefur ekið rútum og vörubílum síðan hann tók meiraprófið fyrir tæpum þremur áratugum.

Ólafur Þ. Erlingsson hefur ekið rútum og vörubílum síðan hann tók meiraprófið fyrir tæpum þremur áratugum. Hann hefur verið bílstjóri hjá Þrótti í 20 ár og ekur MercedesBenz Actros.

Ólafur er yfirleitt kallaður Óli skrjóður, en viðurnefnið nær langt aftur. Það kemur til af því ég var uppnefndur þetta í sveitinni þegar ég var í barnaskólanum fyrir vestan á Reykhólum. Ég þreifst betur við að gera við bíla en að vera í skólanum. Bílavið­ gerðir voru stóra áhugamálið. Þetta lá fyrir mér og ég var snöggur að sjá hvernig tæki og tól virkuðu og gera við. Ef eitthvað var í gangi fyrir vestan eins og vegaframkvæmdir eða eitthvað slíkt þá var ég yfirleitt mættur á staðinn til að fylgjast með hvað menn voru að gera og hvernig hlutirnir voru framkvæmdir.

Nafngiftin Óli skrjóður festist þarna við mig en krakkarnir þorðu nú ekki að kalla mig þetta svo ég heyrði til. Þegar ég varð eldri var nafngiftin ekki eins mikið feimnismál og menn þorðu að segja nafnið við mig í eigin persónu,“ segir Óli með kímnissvip. 

Stefndi niður þverhnípi

„Ég lenti eitt sinn í því að keyra á snjótönn þegar ég var að ryðja veginn í Gilsfirði. Það var talsvert högg og bíllinn tók skyndilega 90 gráðu beygju til hægri, niður snarbrattann kant og stefndi niður að sjó. Í öllum látunum þá flaug ég yfir í farþegasætið enda ekki í belti frekar en venja var á þessum stóru bílum þá. Bíllinn stefndi niður þverhnýpi og mér leist ekkert á þetta. Ég opnaði dyrnar og ætlaði að stökkva út en þá stöðvaðist bíllinn rétt áður en hann húrraði út í sjóinn. Það mátti fjandi litlu muna þarna.“

Það hefur oft verið mikið að gera hjá Óla í vinnunni og segir hann að það hafi stundum bitnað á betri helmingnum. ,,Á byrjunarárum mínum hjá Þrótti hringdi eiginkonan eitt sinn í mig og spyr hvort ég færi ekki að koma heim í kvöldmat. Ég var þá á Gullinbrú og við bjuggum þá í Grafarvogi. Ég sagðist vera á leiðinni. Síðan liðu tveir tímar og þá hringir frúin í mig og spyr hvort það taki mig svona langan tíma að aka þessa stuttu leið. Þá viðurkenndi ég fyrir henni að ég hefði óvænt lent í vinnu í millitíðinni en gleymdi að láta hana vita. Hún hefur verið mjög þolinmóð við mig þessi elska og hjónabandið haldið öll þessi ár,“ segir Óli og brosir.

Nánar er fjallað um málið í Atvinnubílablaði Viðskiptablaðsins. Áskrifendur geta nálgast pdf-útgáfu af blaðinu með því að smella á hlekkinn Tölublöð.

Stikkorð: Atvinnubílar
25 ára afmælistilboð VB – 50% afsláttur af áskrift

Afmælistilboð VB

Viðskiptablaðið er 25 ára og af því tilefni býðst nýjum áskrifendum að kaupa áskrift á 50% afslætti.
Afmælisverðið er aðeins 2.500 krónur.

Tilboðið er fyrir nýja áskrifendur. Núverandi áskrifendur geta bætt við sig áskrift á þessu verði. Gildir í 4 mánuði. Áskrifendur fá Viðskiptablaðið, Frjálsa verslun og Fiskifréttir sent ásamt vefaðgangi að vb.is og fiskifrettir.is