*

Menning & listir 26. febrúar 2021

Stjörnurnar munu drekka íslenskt vatn

Icelandic Glacial verður á boðstólunum á Golden Globe verðlaunahátíðinn á sunnudaginn.

Gestir á Golden Globe verðlaunahátíðinni í Los Angeles á sunnudaginn munu drekka sunnlenska vatnið frá Icelandic Glacial, sem rekur átöppunarverksmiðju í Ölfusi.

Þetta er í annað sinn sem fyrirtækið semur við við samtök erlendra blaðamanna í Hollywood, sem standa að baki verðlaunahátíðinni, um að vatnsflöskur fyrirtækisins verði í boði á hátíðinni. 

Í ár er mun Icelandic Glacial ásamt samtökum erlendra blaðamanna í Hollywood einnig styðja hjálparstarf Feeding America með því að gefa nauðstöddum Bandaríkjamönnum vatn.

„Við höfum einsett okkur að gefa ferskt og hreint drykkjarvatn til þeirra sem eru í neyð“, sagði Jón Ólafsson, stofnandi og stjórnarformaður Icelandic Glacial.

„Við erum stolt af því að með framlengingunni á samstarfi okkar við samtök erlendra blaðamanna í Hollywood og Golden Globe verðlaunin fáum við tækifæri til að leggja okkar af mörkum og styðja við það mikilvæga starf sem Feeding America samtökin inna af hendi“.

Framlag Icelandic Glacial til Feeding America er hluti af átaki fyrirtækisins að veita þjóðum hjálparhönd eftir náttúrhamfarir. Í framhaldi af samstarfi við Golden Globe verðlaunahátíðina árið 2020, dreifði Icelandic Glacial vatni til íbúa í Púertó Ríkó og í bænum Flint í Michigan í Bandaríkjunum. Auk þess gefur fyrirtækið reglulega til eftirfarandi góðgerðasamtaka í Bandaríkjunum: National Kidney Foundation, Just Keep Livin Foundation, American Heart Association, American Lung Association og National Brain Tumor Society.

Icelandic Glacial gaf einnig íslenskum hjálparsamtökum og stofnunum sem aðstoða bágstadda ellefu þúsund lítra af vatni í desember síðastliðnum.