Suzuki Baleno aftur á sjónarsviðið

Merkileg tíðindi berast úr herbúðum japanska bílaframleiðandans Suzuki sem er að vekja fólksbílinn Baleno aftur til lífsins. Baleno sem naut mikilla vinsælda hér á landi sem og víðar um síðustu aldamót. Bíllinn hvarf síðan af sjónarsviðinu en nú hefur Suzuki sett hann á markað á nýjan leik með talsvert breyttu sniði.

Hin nýja kynslóð Baleno kemur með hybrid vél ásamt tveim­ur öðrum spar­neytn­um bens­ín­vél­um, 1,0 lítra Boosterjet og 1250 Dual Jet. Meðaleyðsla er frá fjórum lítrum á hundraðið sem er býsna gott en bensínvélarnar eru með forþjöppu.

Þessar nýju bensínvélar eru með forþjöppu og hefur þyngd þeirra og um­fang verið minnkuð. Baleno er vel búinn tækni­búnaði. Hann fæst með Apple CarPlay og Mirr­orLink. Tengi­skjár snjallsím­ans, SLD, nýt­ir sér Apple CarPlay og Mirr­orLink.

Þegar sam­hæfður iP­ho­ne er tengd­ur kerf­inu með USB teng­ingu ger­ir Apple CarPlay ökumann og farþegum kleift að hringja og svara sím­hring­ing­um, spila tónlist úr sím­an­um, senda og taka á móti skila­boðum og fá leiðarlýs­ingu, allt með radd­skip­un­um eða fingra­snert­ingu á skján­um.

Að sama skapi birt­ir Mirr­orLink hin ýmsu smá­for­rit snjallsím­ans á snerti­skján­um og þannig er hægt að nýta sér aðgerðir sím­ans í gegn­um skjá­inn. Bíllinn er með bakk­mynda­vél sem varp­ar upp mynd af um­hverf­inu aft­an við bíl­inn á skjá­inn, þannig verður út­sýnið aft­ur með bíln­um skýr­ara þegar hon­um er bakkað. Suzuki bíl­ar frum­sýn­a nýja kyn­slóð af Baleno næst­kom­andi laug­ar­dag, 11. júní, kl. 12-17 í Skeif­unni 17.