*

Tíska og hönnun 6. júlí 2020

Tesla selur skortsölustuttbuxur

Vefsíða Tesla lág niðri um stund eftir að bílaframleiðandinn hóf sölu á stuttbuxum, sem skot á skortsala.

Elon Musk hefur fylgt eftir brandara um að selja skortsölustuttbuxur (e. short shorts) í gegnum netverslun Tesla. Vefsíða bílaframleiðandans lág niðri í skamma stund eftir gríðarlega aðsókn vegna stuttbuxnanna. 

Stuttbuxurnar verða einungis tímabundið í sölu á 69,420 dollara en tilgangur þeirra virðist aðallega vera til að gagnrýna fjárfesta sem hafa skortselt bréf félagsins. 

Elon Musk hefur áður sagt að hann muni senda stuttbuxurnar á SEC (eða Shortseller Enrichment Commission eins og hann kallar stofnunina) til þess að hughreysta þá á þessum erfiðu tímum, segir í frétt SkyNews

Hlutabréf Teslu eru mest skortseldu bréfin á hlutabréfamörkuðum í Bandaríkjunum en skortstaða bréfanna nam 19,3 milljörðum dollara þann 15. júní síðastliðin, samkvæmt vefsíðu Nasdaq

Stikkorð: Tesla  • Elon Musk