*

Sport & peningar 6. maí 2012

Tiger er ríkastur

Tiger Woods er ríkasti íþróttamaður heims samkvæmt árlegum lista Sunday Times.

Golfarinn Tiger Woods er efstur á lista Sunday Times yfir ríkustu íþróttamenn heims. Eignir hans nema 538 milljónum punda, jafnvirði um 108 milljörðum króna.

Fjallað er um listann á viðskiptavefsíðu BBC. Á lista yfir þá hundrað ríkustu eru 48 knattspyrnuleikmenn í Bretlandi og á Írlandi. Efstur allra knattspyrnumanna er David Beckham en eignir hans eru metnar á 160 milljónir punda. Hann er í tíunda sæti listans.

Á eftir Tiger koma formúluökumaðurinn Michael Schumacher og körfuboltamaðurinn Michael Jordan.

Stikkorð: Tiger Woods