*

Hitt og þetta 4. apríl 2019

Tilnefnd fyrir ódýru útgáfuna

Auglýsingastofan Brandenburg hefur verið tilnefnd til alþjóðlegra verðlauna fyrir herferð fyrir Orkuna.

Auglýsingastofan Brandenburg hefur hlotið tilnefningu til alþjóðlegu auglýsingaverðlaunanna The One Show fyrir nýlega herferð sem stofan vann fyrir Orkuna.

The One Show eru meðal virtustu auglýsinga- og hönnunarverðlauna í heimi, en í fyrra bárust til að mynda yfir 20 þúsund innsendingar í keppnina. Meðal fyrirtækja sem unnið hafa til The One Show verðlauna eru Samsung, Nike, Coca-Cola, Apple, Adidas og Proctor & Gamble.

Herferð Brandenburgar nefnist Ófært — ódýrari útgáfan og er tilnefnd í flokki kvikmyndaðra auglýsinga með undir hundrað þúsund dollara í framleiðslukostnað. Auglýsingunum var leikstýrt af tónlistar- og kvikmyndagerðarmanninum Ágústi Bent og þær sýndar samhliða annarri seríu af Ófærð á RÚV í upphafi árs 2019. 

Um er að ræða tilnefningu á svokölluðum skammlista (e. shortlist), en seinna í mánuðinum mun koma í ljós hvort herferðin hlýtur verðlaun eða viðurkenningu.

Stikkorð: Orkan  • Brandenburg  • The One Show
25 ára afmælistilboð VB – 50% afsláttur af áskrift

Afmælistilboð VB

Viðskiptablaðið er 25 ára og af því tilefni býðst nýjum áskrifendum að kaupa áskrift á 50% afslætti.
Afmælisverðið er aðeins 2.500 krónur.

Tilboðið er fyrir nýja áskrifendur. Núverandi áskrifendur geta bætt við sig áskrift á þessu verði. Gildir í 4 mánuði. Áskrifendur fá Viðskiptablaðið, Frjálsa verslun og Fiskifréttir sent ásamt vefaðgangi að vb.is og fiskifrettir.is