Toyota er mest seldi bíllinn það sem af er ári. Það eru engin tíðindi, enda hafa bílar japanska bílaframleiðandans verið mest seldir á Íslandi í 27 ár í röð.
Hlutdeildin aukist mest hjá Hyundai
Hástökkvarinn það sem af er ári er Hyundai, sem hefur aukið markaðshlutdeild sína frá síðasta ári úr 6% í 8,3%. Mest söluaukning hefur verið hjá Ssangyong eða um 678,9%. Tesla er með mestu söluminnkun, aðeins selt einn bíl það sem af er ári í stað 11. Samdrátturinn er því 90,9%.
Benz mest seldi lúxusbílinn
Mercedes-Benz er mest seldi lúxusbíllinn í ár með 281 seldan bíl og 26% aukningu milli ára. Volvo er í öðru sæti með 217 selda bíla eða 76% aukningu. Land Rover er í þriðja sæti með 213 selda bíla og 102,9% aukningu.
Nánar má lesa um efnið í Bílar, fylgiblaði Viðskiptablaðsins. Áskrifendur geta nálgast blaðið undir Tölublöð.
