*

Veiði 20. janúar 2015

Veiði að hefjast í Dee

Fyrirtækið Lax-á býður upp á veiðiferðir til Dee í Skotlandi, en þar hefst laxveiðin 1. febrúar næstkomandi.

Ólíkt því sem þekkist á Íslandi fær laxinn í Skotlandi litla hvíld frá veiðimönnum. Algengast er að veiðin þar standi frá febrúar til loka október. Í sumum ám hefst veiði þó fyrr og lýkur jafnvel ekki fyrr en í nóvember.

Í Skotlandi eru margar frægar laxveiðiár og má nefna ár eins og Spey, Tweed, Tay og Dee. Fyrirtækið Lax-á býður upp á veiðiferðir til Dee en þar hefst laxveiðin 1. febrúar. Á vefsíðu Lax-á segir að besta veiðin í byrjun veiðitímabilsins sé á neðstu svæðum árinnar. Lax-á hefur einmitt til sölu leyfi í „Lower Crathes“ sem er eitt af þessum svæðum.

Stikkorð: Dee  • Laxveiði  • Lax-á  • Árni Baldursson