*

Veiði 22. janúar 2013

Veiðiréttur í Eldvatni boðinn út

Búið er að bjóða út veiðirétt í Eldvatni í Meðallandi fram til ársins 2019.

Veiðifélag Eldvatns í Meðallandi hefur leitað eftir tilboðum í veiðirétt í Eldvatni í Meðallandi fyrir árin 2013 til 2019, að báðum árum meðtöldum.

Í vatninu er leyfð veiði á sex stangir og veiðitími er 1. apríl til 10. október ár hvert.

Áhugasamir hafa getað nálgast útboðsgögnin á skrifstofu Bændasamtakanna frá 2. janúar síðastliðinn, en tilboðsfrestur rennur út 25. janúar 2013 og verða tilboðin opnuð 26. janúar. Greint er frá þessu á vefsíðunni veida.is.

Stikkorð: Eldvatn