*

Hitt og þetta 30. september 2019

Verk og vit haldin í fimmta sinn

Stórsýningin Verk og vit verður haldin í fimmta sinn dagana 12.-15. mars árið 2020 í Laugardalshöllinni.

Stórsýningin Verk og vit verður haldin í fimmta sinn dagana 12.-15. mars á næsta ári í Laugardalshöllinni. Mikill áhugi hefur verið bæði meðal fagaðila og almennings á sýningunum sem haldnar hafa verið á tveggja ára fresti undanfarin áratug, að því er kemur fram í fréttatilkynningu.

Á síðustu Verk og vit sýningu árið 2018 var slegið aðsóknarmet en um 25.000 gestir sóttu þá sýninguna í Laugardalshöll, þar sem um 110 sýnendur kynntu vörur sínar og þjónustu. Meðal sýnenda eru byggingarverktakar, verkfræðistofur, tækjaleigur, skólar, fjármálafyrirtæki, ráðgjafafyrirtæki og sveitarfélög.

Í viðhorfskönnun sem Outcome-hugbúnaður ehf. gerði fyrir AP almannatengsl á meðal sýnenda Verks og vits 2018 kom sögðust um 94% sýnenda sögðust ánægð með sýninguna. Þar kom einnig fram að allir sýnendur telja grundvöll fyrir því að Verk og vit verði haldin aftur.

AP almannatengsl er framkvæmdaaðili sýningarinnar en samstarfsaðilar eru atvinnuvega- og nýsköpunarráðuneytið, Reykjavíkurborg, Samtök iðnaðarins, BYKO og Landsbankinn. Sýningin verður opin fagaðilum á fimmtudegi og föstudegi og almenningur verður síðan boðinn velkominn á laugardag og sunnudag.

Stikkorð: og  • vit  • Verk