*

Ferðalög 25. apríl 2013

Verstu störfin í ferðamannaiðnaði

Þeir sem þrífa klósettin í lestum á Indlandi eða temja ísbirni fyrir sirkusa í Moskvu eru óheppnir, að mati The Telegraph.

The Telegraph hefur birt sinn eigin lista yfir störf sem blaðið telur þau óheppilegustu sem hægt er að vinna í ferðamannageiranum. Listann má sjá nánar hér

Ætli það sé gaman að vera ræðismaður Bretlands á Benidorm þegar 10 fótboltabullur fá matareitrun og þurfa sérstaka aðstoð við heimferð? Þegar horft er út um hreinan gluggann af 100. hæð á fína hótelinu í Dubaí, ætli einhver hafi nokkurn tímann pælt í því hvernig glugginn varð svona hreinn?

Það er fólk sem vinnur alls kyns störf í ferðamannaiðnaðinum. Þau allra verstu að mati Telegraph koma hér: 

  • Ræðismaður Bretlands á vinsælum ferðamannastað fyrir ungt fólk.
  • Ræstitæknir í lest á Indlandi.
  • Útfarastjóri á skemmtiferðaskipi.
  • Upplýsingafulltrúi Ryanair. 
  • Lífvörður á almenningsströnd. 
  • Þjálfari ísbjarna í sirkus í Moskvu.
  • Flugfreyja í kvöldflugi á föstudegi á leið til Íbiza. 
  • Þerna á „ástarhóteli" í Japan. 
  • Starfsmaður í innritun hjá lággjaldaflugfélagi.
  • Gluggahreinsir á hæsta hóteli í Dubaí.
  • Homeland Security á flugvelli í Bandaríkjunum. 
  • Vörubílstjóri á M25 í Bretlandi. 
  • Næturklúbbaeigandi í Eastbourne. 
  • Ferðamálaráðherra í DRC.
  • Lestarmiðavörður. 

 

 

 

 

 

 

 

 

 

 

 

 

 

Stikkorð: Telegraph  • Ferðalög  • Leiðindi