*

Bílar 17. nóvember 2017

Volkswagen frumsýnir fjóra

Sjö manna Tiguan Allspace, Arteon sem og Volkswagen Crafter og Polo verða frumsýndir á morgun laugardag.

Enn bætist í flóruna í bílasýningum morgundagsins því Hekla mun frumsýna fjóra nýja en ólíka Volkswagen bíla; sjö manna Tiguan Allspace, Volkswagen Crafter, lúxusbílinn Arteon og hinn netta Volkswagen Polo. Eins og Viðskiptablaðið sagði frá fyrr í dag munu Bílabúð Benna, Brimborg og Askja einnig frumsýna bíla á morgun.

Sjöttu kynslóðar Volkswagen Polo hefur verið beðið eftir í nokkurn tíma og þykir hún hafa heppnast einkar vel en Polo fagnar 42 ára afmæli sínu um þessar mundir. Polo er vinsæll bíll og einar nettur en nýja kynslóðin hefur stækkað miðað við forverann.

Volkswagen Tiguan Allspace er ný útgáfa af Tiguan og fæst sjö manna. Hann býr yfir enn meira plássi, er enn fjölskylduvænni og enn betri. Þrjár sætaraðir eru í Tiguan Allspace en ef þriðja sætaröðin er felld niður er gríðarstórt 760 lítra farangursrými í bílnum. Hægt verður að reynsluaka Tiguan Allspace á frumsýningunni á morgun.

Með nýja Arteon kynnir Volkswagen til sögunnar sannkallaðan lúxusbíl með sterkum og einkennandi svip. Straumlínulagaðar hliðar, rammalausir hliðargluggar og svipsterkur afturhluti.

Volkswagen Crafter var valinn Sendibíll ársins (International van of the year). Hann er sparneytinn, hagkvæmur og áreiðanlegur og býður upp á hagnýtar lausnir fyrir daglega notkun sem uppfylla ólíkar væntingar viðskiptavina. Hann er í boði með 8 þrepa sjálfskiptingu og fram-, aftur- og fjórhjóladrifi.

„Okkur þykir einkar skemmtilegt að geta frumsýnt saman þessa ólíku bíla á morgun og sýna þá breidd sem Volkswagen býður upp á. Við höfum beðið spennt eftir að geta sýnt þessar nýjungar," segir Jóhann Ingi Magnússon, sölustjóri Volkswagen.

Stikkorð: Volkswagen  • bílar  • frumsýningar