Ása Björg Tryggvadóttir hefur tekið við starfi framkvæmdastjóra hjá markaðsfyrirtækinu brandr, að því er kemur fram í tilkynningu. brandr vinnur með íslenskum fyrirtækjum í markaðsmálum og vörumerkjastjórnun.

Ása hefur áður starfað sem markaðsstjóri Bestseller ásamt því að sitja í framkvæmdastjórn fyrirtækisins. Samhliða störfum sínum hjá Bestseller gengdi hún einnig starfi markaðsstjóra Nespresso þegar fyrirtækið hóf starfsemi hér á landi árið 2017. Þar áður var Ása markaðsráðgjafi hjá auglýsingastofunni Hvíta húsinu og kom að verkefnum fyrir fjölmörg íslensk fyrirtæki.

Sjá einnig: brandr sækir á nýja markaði

Ása hóf ferilinn í markaðsdeildHeklu þar sem hún vann fyrir Volkswagen, Audi og Benz. Ása lærði viðskiptafræði í Háskólanum í Reykjavík og hefur alla tíð haft mikinn áhuga á markaðsmálumog heilbrigði vörumerkja, að því er kemur fram í tilkynningu.

Ása Björg Tryggvadóttir, nýr framkvæmdastjóri brandr:

„Ég hlakka mikið til að vinna með flottum hópi sérfræðinga hjá brandr sem eru á frábærri vegferð við að styrkja stöðu markaðsmála með faglegri vinnu í rannsóknum og stefnumótun fyrir öflug íslensk vörumerki."

Friðrik Larsen, eigandi brandr:

„Við erum afar ánægð með að Ása er gengin í okkar raðir því hún hefur bæði mikla reynslu markaðsmálum og ráðgjöf og ennfremur býr hún yfir reynslu í rekstri. Hún mun stýra starfsemi félagsins á Íslandi og hjálpa okkar viðskiptavinum að auka virði sinna vörumerkja. Með komu hennar mun ég einbeita mér meira að skrifstofum brandr í Berlín og Osló en við munum opna á síðarnefnda staðnum á næstu vikum."