Heiðdís Inga Hilmarsdóttir hefur verið ráðin verkefnastjóri á sviði sjálfbærni hjá Krónunni. Þetta kemur fram í fréttatilkynningu frá Krónunni.
Heiðdís er með MSc-gráðu í sjálfbærri þróun frá Uppsalaháskóla ásamt því að vera menntaður vöruhönnuður úr Listaháskóla Íslands, segir í tilkynningu frá fyrirtækinu. Hún starfaði áður hjá Havarí menningarsetri í Berufirði, í tæknideild Þjóðleikhússins, ásamt því að hafa stofnað og rekið fyrirtæki og hannað og markaðssett eigin vörur.
„Heiðdís mun leiða margvísleg verkefni sem stuðla að því að Krónan nái markmiðum sínum um sjálfbærni. Úr stefnu Krónunnar í þessum málaflokki má meðal annars nefna minnkun matarsóunar, að nota umhverfisvæna orkugjafa og lágmarka orkunotkun, sýna ábyrgð í vali á umbúðum og vera leiðandi í sorpflokkun,“ segir í tilkynningu.
Guðrún Aðalsteinsdóttir, framkvæmdastjóri Krónunnar, segir ráðningu Heiðdísar til marks um síaukna áherslu Krónunnar á þennan málaflokk.
„Við erum stolt af þeim fjölbreytta árangri sem Krónan hefur náð í umhverfis- og samfélagsmálum. Við vitum að það er enn mikið verk óunnið og Heiðdís mun reynast okkur frábær liðsstyrkur í