Verslunin 10-11 hefur skrifað undir samstarfssamning við Bónusvídeó að því er kemur fram í frétt á heimasíðu Haga eiganda 10-11. Þessi samningur mun gera viðskiptavinum 10-11 kleift að versla matvöru og leigja sér mynd í leiðinni.
Einnig geta viðskiptavinir Bónusvídeó nú leigt sér mynd og um leið valið úr meira úrvali að sælgæti og snakki en áður segir í fréttinni. Bónusvídeó er með heimsíðu þar sem hægt er að skoða og panta þær myndir sem fólk óskar sér einnig hafa þeir útfært einfaldar leiðir í gegnum snertiskjái í myndbandaleigum sínum til að leigja sér mynd. Með samvinnu fyrirtækjanna er nú hægt að leigja mynd á netinu og sækja í verslun 10-11 eða nýta sér snertiskjái í verslun 10-11 til að finna réttu spóluna! Til að byrja með verður þessi þjónusta fáanleg í eftirtöldum verslunum 10-11: Eggertsgötu, Engihjalla, Glæsibæ, Grímsbæ, Hjallabrekku, Laugalæk, Lágmúla og Staðarbergi.