Í skýrslunni Human Rights Risk Atlas fyrir 2014 kom í ljós að á síðustu sex árum hefur löndum, þar sem mannréttindi eru fótum troðin, fjölgað mjög mikið. Þetta kemur fram í The Huffington Post.
Af þeim 197 löndum sem voru könnuð voru 20 lönd flokkuð sem lönd þar sem mannréttindi voru ítrekað brotin árið 2008. Í dag hefur þessum löndum hins vegar fjölgað í 34. Á listanum eru löndin Sýrland, Egyptaland, Líbía, Malí og Guinea-Bissau en í öllum þeim löndum hefur ástandið snarversnað síðustu árin, samkvæmt skýrslunni.
Flest landanna tilheyra Mið-Austurlöndum og Norður-Afríku en löndin tíu þar sem ástandið er verst á sviði mannréttinda eru:
- Sýrland
- Súdan
- Alþýðulýðveldið Kongó
- Pakistan
- Sómalía
- Afganistan
- Írak
- Mýanmar
- Jemen
- Nígería.