Vaxandi ólga og hryðjuverkastarfsemi í Mið-Austurlöndum og Norður-Afríku sem og vargöld í Austur-Afríku eru meginorsakir þess að pólitískur óstöðugleiki vex í heiminum. Þetta eru niðurstöður rannsóknar Maplecroft um pólitískan stöðugleika á alþjóðagrundvelli.
Síðan 2010 hefur ástandið í Sýrlandi versnað mest. Landið var í 44. sæti árið 2010 en er í öðru sæti í dag. Sómalía trónir á toppnum yfir pólitískan óstöðugleika. Afganistan, Súdan og Alþýðulýðveldið Kongó eru einnig á meðal landa í efstu fimm sætunum.
Hér má sjá löndin tíu þar sem pólitískur óstöðugleiki er mestur í heiminum:
- Sómalía
- Sýrland
- Afganistan
- Súdan
- Alþýðulýðveldið Kongó
- Mið-Afríkulýðveldið
- Jemen
- Líbía
- Suður-Súdan
- Írak
Nánar má lesa um pólitískan óstöðugleika í heiminum og skýrslu Maplecroft hér á vefsíðu CNN .