John Philip Madden, fyrrverandi framkvæmdastjóri hjá Kaupþingi, var tekjuhæstur meðal starfsmanna fjármálafyrirtækja hér á landi á síðasta ári og námu tekjur hans að jafnaði um 16,4 milljónum króna á mánuði miðað við greitt útsvar. Þetta er á meðal þess sem kemur fram í Tekjublaði Frjálsrar verslunar þetta árið.
Arnar Scheving Thorsteinsson, sem var efstur á lista á síðasta lista, er annar á listanum með um 10,5 milljónir króna að jafnaði á mánuði og Höskuldur H. Ólafsson, fyrrverandi bankastjóri Arion banka er sá þriðji með um 9,4 milljónir að jafnaði.
Fjórði á listanum er Jón Sigurðsson, forstjóri og stjórnarformaður Stoða, með um 6,4 milljónir króna á mánuði að meðaltali en Benedikt Gíslason, bankastjóri Arion banka, er sá fimmti með um 4,4 milljónir mánaðarlega að jafnaði.
Tekjuhæsta starfsfólk fjármálafyrirtækja árið 2020:
- John Philip Madden, fyrrv. framkvæmdastjóri hjá Kaupþingi - 16.407
- Arnar Scheving Thorsteinsson, fjármstj. - 10.516
- Höskuldur H. Ólafsson, fyrrverandi bankastjóri Arion banka - 9.350
- Jón Sigurðsson, forstjóri og stjórnarform. Stoða - 6.364
- Benedikt Gíslason, bankastjóri Arion banka - 4.402
- Hannes Frímann Hrólfsson, framkvæmdastj. eignast. Kviku - 4.072
- Marinó Örn Tryggvason, forstjóri Kviku - 4.063
- Brynhildur Georgsdóttir, forstöm. viðskþr. Íslandsstofa (áður Arion) - 3.946
- Kjartan Smári Höskuldsson, framkvæmdastjóri Íslandssjóða - 3.943
- Ásgeir Helgi Reykfjörð Gíslason, aðst.bankastj. Arion banka - 3.914
Um er að ræða útsvarsskyldar tekjur á árinu 2020 og þurfa þær ekki að endurspegla föst laun viðkomandi. Munurinn getur falist í launum fyrir setu í nefndum og öðrum aukastörfum og hlunnindum vegna kaupréttarsamninga. Í launum sumra kann að vera falinn bónus vegna ársins 2019, sem greiddur var árið 2020. Miðað er við útsvarsstofn samkvæmt álagningarskrá. Í tölunum eru ekki fjármagnstekjur, t.d. af vöxtum, arði eða sölu hlutabréfa. Sleppt er skattfrjálsum dagpeningum, bílastyrkjum og greiðslum í lífeyrissjóði. Hafa verður í huga að inni í tekjunum getur líka verið einskiptisgreiðsla vegna úttektar á séreignarsparnaði.
Tekjublað Frjálsrar verslunar kom út í gær. Finna má blaðið á helstu sölustöðum en einnig má panta eintak hér .
