10 aðilar taka þátt í útboði Slysavarnarfélagsins Landsbjargar á þremur nýjum björgunarskipum. Líkt og Fiskifréttir greindu frá er útboðið stærsta einstaka fjármögnunarverkefni sem Landsbjörg hefur ráðist í en fyrirhugað er að skipin verði tekin í notkun fyrir árslok 2023. Nýju björgunarskipin þrjú koma í stað eldri skipa.
Þátttakendur í útboðinu voru eftirfarandi:
- Swede Ship Marine Aktiebolag
- Maritime Partner A/S
- Rafnar ehf.
- Damen Shipyards Gorinchem
- Norsafe AS
- KewaTec Aluboat Oy Ab
- Chantier Naval
- Efinor Allais
- MA‐RELL Boats Sweden AB
- Trefjar ehf.
Af þeim tíu fyrirtækjum sem taka þátt eru tvö íslensk, Rafnar og Trefjar.