Curio, sem framleiðir fiskvinnsluvélar, hagnaðist um 112 milljónir króna á síðasta rekstrarári, samanborið við 64 milljóna króna hagnað árið áður. Rekstrartekjur félagsins námu rúmlega 986 milljónum króna. Eignir námu 876 milljónum króna í árslok 2018 og eigið fé félagsins nam 258 milljónum króna.
Laun og launatengd gjöld námu 365 milljónum króna en að meðaltali störfuðu 34 starfsmenn hjá fyrirtækinu í fyrra. Elliði Hreinsson er framkvæmdastjóri félagsins.
