Skráð atvinnuleysi í ágúst 2011 var 6,7%. Að meðaltali voru 11.294 atvinnulausir í ágúst og fækkaði um 129 að meðaltali frá júlí. Í lok ágúst voru 11.932 atvinnulausir, samkvæmt Vinnumálastofnun.
Körlum á atvinnuleysisskrá fækkaði um 138 að meðaltali en konum fjölgaði hins vegar um 9. Atvinnulausum fækkaði um 37 á höfuðborgarsvæðinu og um 92 á landsbyggðinni. Atvinnuleysið var 7,7% á höfuðborgarsvæðinu en 5% á landsbyggðinni. Mest var það á Suðurnesjum 10,4%, en minnst á Norðurlandi vestra 2,2%. Atvinnuleysið var 6,5% meðal karla og 7% meðal kvenna.
Engar tilkynningar um hópuppsagnir bárust í mánuðinum.