*

miðvikudagur, 26. janúar 2022
Innlent 31. maí 2011 14:02

1,3 milljónir fengust upp í 15 milljarða kröfur

Skiptum í þrotabúi Sólin Skín ehf., sem var í eigu Baugs og Fons, er lokið. Lýstar kröfur í búið námu nærri 15 milljörðum króna.

Ritstjórn

Skiptum á þrotabúi félagsins Sólin skín ehf. er lokið Félagið var í eigu Baugs, Fons, Glitnis og Kevins Stanfords. Tilgangur þess var að fjárfesta í hlutabréfum í bresku verslunarkeðjunni Marks og Spencer. 

Lýstar kröfur í búið námu alls tæplega 15 milljörðum króna og voru þrjár talsins, en tilkynnt er um skiptalok í Lögbirtingablaðinu í dag. Upp í kröfurnar fengust greiddar um 1,3 milljónir króna eða 0,00012 hundraðshlutar.

Sólin skín ehf. skuldaði Glitni hátt í 10 milljarða króna að meðtöldum vöxtum og Baugi rúmlega þrjá milljarða, samkvæmt ársreikningi félagsins vegna ársins 2009. Félagið var stofnaði í maí 2008. 

Stærstu eigendur voru Baugur Group og Fons með um 80% eignarhlut. Baugur og Fons voru líka stærstu eigendur Glitnis fyrir bankahrun í gegnum FL Group. Aðrir eigendur voru Glitnir sjálfur og Kevin Stanford. Eignir Sólin skín ehf. voru 3,8 milljónir króna í lok árs 2009. Sólin skín var úrskurðað gjaldþrota í árslok 2009.