Hugveitan Center for World University Rankings (CWUR) hefur gefið út nýjan lista yfir 1000 bestu háskóla í heimi. Sem fyrr er toppur listans þéttskipaður bandarískum og breskum háskólum. Tveir ísraelskir og nokkrir austur-asískir skólar eru þó einnig ofarlega á listanum.
Háskóli Íslands er eini íslenski skólinn sem kemst á listann. Skólinn er í sæti númer 461. Gæði starfsfólks skólans er helst talið honum til tekna, en hann er ekki ofarlega í fjölda einkaleyfa. Háskóli Íslands er ofar á listanum heldur en besti háskóli Tyrklands, og er á svipuðum slóðum og bestu háskólar Póllands. 149 bandarískir háskólar eru ofan við HÍ á listanum.
Hér eru 15 bestu háskólar heims að mati CWUR :
15. sæti - Kaliforníuháskóli í Los Angeles
14. sæti - Pennsylvaníuháskóli
13. sæti - Háskólinn í Tókýó
12. sæti - Tækniháskólinn í Kaliforníu
11. sæti - Yale University
10. sæti - Cornell University
9. sæti - Princeton University
8. sæti - Háskólinn í Chicago
7. sæti - Kaliforníuháskóli í Berkeley
6. sæti - Columbia University
5. sæti - University of Oxford
4. sæti - University of Cambridge
3. sæti - Massachusetts Institute of Technology
2. sæti - Stanford University
1. sæti - Harvard University