*

mánudagur, 16. september 2019
Innlent 26. mars 2019 15:59

16 sótt um embætti seðlabankastjóra

Forsætisráðuneytinu hafa borist 16 umsóknir um embætti seðlabankastjóra.

Ritstjórn
Benedikt Jóhannesson er einn af þeim sem sótt hefur um embætti seðlabankastjóra.
Haraldur Guðjónsson

Forsætisráðuneytinu hafa borist 15 umsóknir um embætti seðlabankastjóra sem auglýst var laust til umsóknar 20. febrúar sl. en frestur til umsóknar rann út á miðnætti 25. mars sl. Greint er frá þessu í fréttatilkynningu frá forsætisráðuneytinu.

Sérstök hæfnisnefnd verður skipuð til þess að fara yfir umsóknirnar og meta hæfni þeirra, sbr. 2. mgr. 23. gr. laga nr. 36/2001, um Seðlabanka Íslands.

Umsækjendur um embætti seðlabankastjóra eru eftirtaldir:

  • Arnór Sighvatsson, ráðgjafi seðlabankastjóra og fyrrum aðstoðarseðlabankastjóri
  • Ásgeir Jónsson, dósent og forseti hagfræðideildar Háskóla Íslands
  • Ásgeir Brynjar Torfason, lektor við Háskóla Íslands
  • Benedikt Jóhannesson, fyrrv. fjármála- og efnahagsráðherra
  • Gunnar Haraldsson, hagfræðingur
  • Gylfi Arnbjörnsson, hagfræðingur
  • Gylfi Magnússon, dósent
  • Hannes Jóhannsson, hagfræðingur
  • Jón Daníelsson, prófessor
  • Jón G. Jónsson, forstjóri bankasýslu ríkisins
  • Katrín Ólafsdóttir, lektor við HR og nefndarmaður í penintastefnunefnd SÍ.
  • Salvör Sigríður Jónsdóttir, nemi
  • Sigurður Hannesson, framkvæmdastjóri Samtaka iðnaðarins
  • Sturla Pálsson, framkvæmdastjóri markaðs-, viðskipta- og fjarstýringar í Seðlabanka Íslands
  • Vilhjálmur Bjarnason, lektor
  • Þorsteinn Þorgeirsson, sérstakur ráðgjafi á skrifstofu seðlabankastjóra

Frétt uppfærð. Fréttatilkynning barst frá forsætisráðuneytinu í laust fyrir klukkan 20, þar sem fram kemur að Katrín Ólafsdóttir hafi einnig sótt um. Svona hljóðar tilkynningin: „Forsætisráðuneytinu hafa borist 16 umsóknir um embætti seðlabankastjóra sem auglýst var laust til umsóknar 20. febrúar sl. en umsóknarfrestur rann út á miðnætti 25. mars sl. Tölvupóstsvarnir Stjórnarráðsins komu í veg fyrir að ein umsókn, sem send var fyrir lok tímafrests, bærist forsætisráðuneytinu."

Stikkorð: Seðlabanki Íslands